Солтүстік Қазақстан облысында су тасқынынан зардап шеккендерді баспанамен қамтамасыз ету

AÑSA Foundation қоры Қазақстан Президенті Қасым-Жомарт Тоқаевтың Қазақстанның бизнес қауымдастығына топан судан зардап шеккен аймақтардағы қалпына келтіру жұмыстарына атсалысу туралы үндеуін қолдады. Бұған дейін Мемлекет басшысы су тасқынының зардаптарын жою және зардап шеккендерге көмек көрсету жұмыстарын күшейтуді тапсырған болатын. 
Қор Солтүстік Қазақстан облысында тұрғын үй салу және сатып алу бойынша ауқымды жобаны жүзеге асыруда. Жоба көктемгі су тасқынынан зардап шеккендерді қолдауға, заманауи әрі жайлы баспанамен қамтамасыз етуге бағытталған. 

Бұл мақсаттарға қордан 15 миллиард теңге бөлінді. Оның 9 миллиард теңгеден астамы Петропавлдағы Солнечный-2 ықшамауданындағы 400 жаңа үйдің құрылысына жұмсалады. Пәтер алуға 6 млрд теңгеге жуық қаржы қарастырылған. 
Жобаның басты мақсаты – зардап шеккен отбасыларды сапалы және қауіпсіз баспанамен қамтамасыз етіп, олардың қалыпты өмірге тез оралуына жағдай жасау. 
Заманауи үйлердің құрылысы 
Жоба аясында әрқайсысының жалпы ауданы 80 шаршы метр болатын типтік жобалар бойынша үйлер салынуда. Жылы сэндвич-панельдерден жасалған қабырғалар 40 градус аязда да суық өткізбейді, бұл аймақтың қатал климаттық жағдайлары үшін өте маңызды. Жаңа үйлер жөндеуден кейінгі қалыпты күйінде тапсырылады.

Әр үйде үш тұрғылықты бөлме, ас үй, жуынатын және жылу жүйесіне арналған бөлмелер болады. Іргелес 10 гектар аумақта қосалқы құрылыс, абаттандыру және бақша алаңы қарастырылған. Бұл тұрғындарға жайлы өмір сүруге ғана емес, сонымен қатар үй шаруашылығын жүргізуге және демалуға қосымша мүмкіндіктер береді. 

Іске асыру мерзімдері
Жоба төлқұжатына сәйкес, тұрғын үйлер жылу маусымына дейін пайдалануға беріледі. Алғашқы үйлердің құрылысы аяқталуға жақын, жақын арада зардап шеккен отбасылар жаңа үйлеріне қоныстана алады.
AÑSA Foundation қоры табиғи апаттардан зардап шеккен азаматтардың өмір сүру сапасын жақсарту үшін белсенді жұмыс істейді.
Бұл жобаны жүзеге асыру зардап шеккен отбасылардың қалыпты өміріне тез оралуына және су тасқынының зардаптарын азайтуға көмектеседі деп сенеміз.