Қордың Жобалары

AÑSA Foundation жеке қоры Алматыдан шыққан жас виолончельші Ален Басенге қолдау көрсетеді. Бағдарлама аясында кәсіби концерттік аспап сатып алу және музыкант кәмелетке толғанға дейін оған атаулы стипендия төлеу көзделген.

AÑSA Foundation жеке қоры мен «Нұрғиса Тілендиевтің мәдени мұрасы» жеке қоры ұлы музыкант әрі көрнекті композитордың шығармашылығын сақтау және насихаттау бағытында стратегиялық серіктестікті бастайды. Бағдарлама 2026–2027 жылдарға жоспарланған және «Отырар сазы» оркестрін, жас музыканттарды, концерттік, мұрағаттық және баспа жобаларын қолдауды көздейді.

2025 жылдан бастап AÑSA Foundation жеке қоры Қазақстан бочча федерациясының ресми серіктесі. Бірлескен жұмыс еліміздегі параспортты дамытуға, ұлттық бочча құрамасын қолдауға және қазақстандық спортшыларды халықаралық аренада танытуға бағытталған.

AÑSA жеке қоры Қазақстандағы ең танымал спорт командаларының бірі «Барыс» хоккей клубының ықпал етуші серіктесі атанды. Бұл серіктестік қордың спорттың дамуына және еліміздегі жас хоккейшілерге жаңа мүмкіндіктер жасауға қосып отырған үлесін арттыра түседі.

AÑSA Foundation қызметінің бағыттарының бірі ғылым және денсаулық сақтау саласындағы инновациялық жобаларды қолдау болып табылады. Мұндай бастамалардың қатарында орфандық (сирек) ауруларды зерттеу бар.

AÑSA қоры Ақмола облысының Атбасар қаласында 2024 жылдың көктемгі су тасқынынан зардап шеккендерге арнап тұрғын үй салу және сатып алу бойынша ауқымды жобаны жүзеге асыруда. Қордың арқасында Ақмола облысында 128 отбасы пәтер иелері атанып үлгерді. Жыл соңына дейін тағы 245 отбасы жаңа пәтерге ие болады. Осы мақсатпен қордан 5 млрд теңге бөлінді.

Ауыл тұрғындарының сапалы медицинаға, білімге және инклюзияға қолжетімділігін арттыруға арналған «BAQUATTY AUDAN» бастамасын іске асыру басталып жатыр. Ақмола облысының Целиноград ауданы пилоттық жобаларды жүзеге асыру алаңы болып белгіленді.